WORKSHOP KRIASAUN MEDIA KOTA

 

Iha sexta Feira loron 10 dezembro 2021,Ministerio dos Assuntus Parlamentares dan Komonikasaun Sosial Liu husi Sekretariat Estadu komonikasaun sosial halo workshop Criasaun media munisipal iha salaun administrasaun municipio Manufahi.

Iha workshop nee administrador municipio Manufahi sr.Arantes Isaac Sarmento iha Nia intervensaun katak ho media munisipal nee 

Ho objectivo atu difulga informasaun iha nivel municipio,postu no sukus Atu nunee Povo bele akompanha aktividade Sira halo iha nivel municipio nian,nunee sr. Arantes isaac Sarmento hatutan Tan katak hanesan servidor do Estadu fo apoio ba servisu nee,iha tempo nee mos administrador municipio Manufahi esperansa ba oin karik bele iha tv municipio hodi bele fasilita informasaun iha nivel municipio.

Iha workshop nee Dereitur Nasional Promosaun Dezenvolvementu media lokal sr.Jose da Costa hatete katak Suku Sira Nia informasaun la to iha Nivel Nasional hodi nunee Mak politika harii media municipio nian nee.

 Hatan ba prekupasaun ba postu administrasaunn alas Kona ba kobertura mazemenus semana Ida dala Ida deit razaun Tamba rekursu Mak limitado.

Iha Fatin hanesan xefi gabinete Sekretariat Estadu Komonikasaun Sosial Represnta Secretaria de Estadu Komonikasaun Sosial nee Mos hatte katak media tengki to iha kotamadya postu no sukus Sira nunee Dezenvolvementu neebe Lao Hela iha nivel municipio media massa jadi Liu banyak .

Tamba media Nia Funsionamentu nee importante atu nunee kualqer aktividade halo iha nivel kraik nee Ema hotu Hotu bele assesu.

nunee Mak Liu husi workshop nee atu intrudus Oinsa Mak atu stabelese media iha nivel municipio,tambaLiu husi media Mak povo iha dereitu atu simu no hatama Informasaun ba iha gubernur nomos bele espresa povo Nia sofremento nunee media MOS Liu husi iha dezenvolvementu.

Iha biban nee MOS xefi gabinete nee reforsa Tan katak media munisipal nee Sei estabese iha Tinan neebe Sei harii uluk iha manucipio Manufahi no Aileu, Nunee hahu ohin nee Ita Lansa di media municipio Manufahi.

Xefi gabinete nee mos akresenta Tan katak ho estabelementu media munisipal nee atu sai hanesan sentru jurnalismo atu sentraliza media Sira iha Fatin Ida.

==============

Sentru Informasaun Suku Rotuto

Amorino da Costa Mendes Sarmento

VETERANO TENKI IDA DEIT

 

Vetarano iha Timor Leste nee Ida deit,labele ba rona Ema Sira neebe bosok Ten,Sira neebe Mai Lohi imi,conselho municipio iha tiha ona, Tamba iha Timor Leste estdau Ida deit.

Liafuan nee hatoo husi Prezidente Conselho Libertasaun  Nasional sr.Riak Leman iha verifikasaun dadus suku Rotuto nian iha Loron 14 dezembro 2021.

Iha biban nee MOS Sr.Riak Leman  hatete katak iha Manucipio hotu Hotu Ema hotu halo funu maibe levantamento nee  iha deit MUNICIPIO Manufahi,Ainaro,viqueque no Lospalos Mak iha Levantamento nee.

Iha levantamento nee Mak populasaun barak husi Rotuto nian Balu ba Atauro,Balu ba Aileu,barak ba iha Betano,suku daisua nian Balu ba Beikala no Balu ba simpangtiga,suku Grotu nian Balu ba Hato- Udo ; hirak  nee halo hotu istoria nunee hotu ona, Tamba nee iha  verifikasaun dadus nee tengki Informa ho lolos nunee para Aban Bain rua Ema labele akusa fali Ita,kondena fali Ita,lori Lei kondena Ita,Ita bele ba kadeia sagaute deit,funu Ita la mate Agora Ita ba Toba fali iha kadeia.

Nunee MOS Prezidente nee salenta Tan katak iha prensementu ba dadus nee Atu konhese imi,nee responsavel Mak konhese imi.

==================

Sentru Informasaun Suku Rotuto

Amorino da Costa Mendes Sarmento

Amorino da Costa Mendes Sarmento

PANDEMIA COVID – 19 HALO ESKOLA ONLINE MAIBE IHA SUKU ROTUTO ESTUDANTES SIRA LABELE ONLINE

 

 Segunda Feira loron 6 Fulan Julio 2021,iha escola Ebc Bisakrem B,Escola EBF Rotuto nomos pre- eskolar suku Rotuto halo distribuisaun kadernetas aprovado no la aprovado ba estudantes,Liu husi inan aman Sira iha mini aula EBF suku Rotuto.

Iha distribuisaun kadernetas nee kordenador EBF suku Rotuto sr.Agusto da Silva koalia ba inan aman Sira Kona ba prosesu aprendisazen husi oan Sira durante Tinan tomak Ida, iha escola neebe Sira aprende no rona nunee kordenador nee MOS akresenta ba inan aman Sira katak prosesu tomak Ita akompanha hamutuk ba oan Sira Nia aprendisazen Kona ba saida Mak oan sira aprende iha eskola tuir  orario Mak hanesan ba pre – eskolar hahu husi oras tuku 08 to 11:00 otl,ba klasse premeiru no sequndo siklu hahu oras tuku 08:00 to tuku 12 :00 otl,klasse terseru siklu hahu husi oras tuku 08:00 to tuku 01: 15 lorokraik otl.

Iha biban Ida nee MOS kordenador escola EBF Rotuto sr.Agusto da Silva mos rekonhese katak durante Tinan Ida nee,prosesu aprendisazen Nia la lao normal nee Laos husi parte edukasaun Nia Erro maibe Tamba pandemia covid – 19 neebe Mak afeta ba prosesu aprendisazen iha eskola dala ruma loron ou semana Ida Lao ka loron ou semana Ida la lao,atu hodi prevene pandemia nee, Mak tengki Lao tuir protokol Organizasaun Mundial saude ( OMS )  nomos minsterio saude nian .hodi nunee sr.agusto da Silva husu ba inan aman Sira atu tau matan likus ba oan Sira hodi estuda barak iha uma;Tamba ho pandemia nee iha eskola barak Mak halo eskola online maibe iha Rotuto labele online Tamba difikulta husi Eltricidade,redi internet nomos kumunidade barak neebe laiha kbit atu sosa telefoni neebe diak  ba oan Sira hodi assesu internet.nunee kordenador nee husu ba inan aman Sira atu  esforsu ba oan Sira mazamenus loron Ida estuda oras Ida ka oras rua.nunee sr.agusto MOS hatoo Nia sentimentu tritiza ba inan aman Sira Tamba oan Sira la dun iha intrese hodi aprende ho diak kumpara ho oan Sira iha Tinan kotuk,Tamba oan Sira ikus nee interese halimar deit,nomos nudar inan aman haluha reaponsabilidade hodi halo akompanhamentu ba oan Sira neebe realidade halo oan Sira la aproveita netik buat ruma,Tamba laran metin deit ba eskola neebe iha deit tempu oras neen deit nee la too oras barak Liu Mak hamutuk ho inan aman Sira,Tamba nee husu ba inan aman Sira atu hamutuk ho Professor Sira hodi susu oan Sira ba oin.

Iha Fatin hanesan professor husi EBC Bisakrem sr.orlando Pereira Almeida avisa ba estudantes Sira Liu husi inan aman Sira atu loron 09 Fulan dezembro Tinan 2021 nee atu lori Nia dukunentus hodi mai matrikula labele Hein kleur Tamba  Tama fali anu letivo foun nee Sei hahu iha 24 de janeiru 2022.

Nunee MOS Professor da turma Nuno Ano nian sr.Vicente da Silva mos Informa ba inan aman Sira katak Tinan nee Nuno Ano Sira Sei tuir ezame Nasional  iha Escola EBF manico,Tamba EBF manico MOS filial Ida husi EBC Bisakrem,nunee husu ba inan aman Sira atu fo  hanoin oan Sira katak husi Suku Rotuto ba tuir ezame Nasional iha EBF manico, nee Laos ba para hodi halimar,maibe tengki estuda hodi tuir exame,Tamba nee sr.vicente husu ba inan aman Sira atu halo aproxima ho Uma Nain neebe labarik Sira atu ba Hela ba,nomos fo atensaun maximu ba oan Sira aproveita didiak Tamba ohin loron nee Ita povo Nia oan Sira Mak escola iha escola publik maibe Ema boot Sira Nia oan ba escola iha internasional high school,tenik sr.Vicente

=========

Sentru Informasaun Suku Rotuto

Amorino da Costa Mendes Sarmento.

Nasionalista( dadolin )

 "Nasionalis"

Nasionalista Mak Ema nebe iha responsabilidade moral serbi ba nia nasaun.

Nasionalista Laos Mak Ema nebe simu poder hodi koalia ba interese nasaun maibe laran sura Hela Osan iha Nia laran no hanoin Hela kargu saida Mak Nia atu hetan.

Nasionalista Mak Ema nebe iha matenek atu fo no halo buat Diak ba nasaun Nia la hanoin ba saida Mak Nia atu hetan husi nasaun.

 Nia neebe matenek ho titlu lisensiatura ou magistradu ka Professor ofrese ba nasaun maibe of resementu nebe Nia halo ho interese nee la hatudu Nia Nia nasionalista

Tan Ema nebe ofrese an ba mate Tamba independentsia nasaun to rate mos laiha,Naran Ema la temi,Nia istoria Luta lakon let husi Ema Nia hanoin maibe rezultadu Mak independentsia Laos Tamba Osan ho kadeira nee Mak nasionalista lolos.

Nasionalista Mak hakarak independensia total, dezenvolvementu ba nasaun no nasaun Moris diak - fo buat nebe Nia iha ba nasaun Sem interese, Laos interese politik kadeira, Naran boot,atu hetan Osan barak no hetan fasilidades luxu husi nasaun.

( Amorino da Costa Mendes Sarmento "Che Arino lara 82 " Kalohan ")

Ba deit o Timor o emar prontu servi ( dadolin )

 

Timor sai about ba o emar 

Timor ai hun fo mahon 

ba o emar sira

Husi o isin habokur o emar

Iha o isin we Moris fo Moris o emar

Iha o leten ai hahoris untuk Moris o emar

Iha o destroy fo murak artinya hafutar, hafalun, hariku o emar timor Leste 

Husi otas ba otas, husi dalas ba dalas o Timor o nain ba o emar Sira.

Maske tinan Wain 

emar sai Atan

ba Laho Lao Rai,

sai Atan ba busa ho fulun malae

Sai Atan ba asu fuik tasi baluk 

Isin krekas neon namlele 

kosar we nakfilak ba ran

Mata Wen sai we matan iha foho to tasi

Lafaek tasi baluk Mak sai fali o Nia Liman kroat

ho Riku no soin laho Lao Rai tasi baluk

bosok o emar, explora o isin Nia bokur,hafoer o Nia identidade,no halo Timor sai misto iha atitude moris.

emar tanis hakilar – hakilar halerik

Rai nonok kelinci, loro leten sai sasin

Natureza Siak hakilar- Rai lakan tarutu 

Hanfanun o emar inspirasi o emar 

Fo Aten berani esperitu nasionalista 

Ba o emar hodi foti surik no Dima 

Foti Rama no kilat maske selu ho folin nebe ass 

Maske ulun hodi hada ilat ho bosok ba Timor leste

Ruin sai sa'dan lulik ba Timor leste

Isin sai Rai satan ba Timor Leste 

Tan o Timor matan we - kosar we 

Tan o Timor isin,klamar no ran 

Tan o Timor esforsu no buat hotu nebe iha.

Ba deit o Timor o emar Pronto fo.

Hakerek :

Amorino da Costa Mendes Sarmento ( Che Arino Lara 82 )

ORANG YANG TELAH PERGI ( puisi )

  

pergilah nan jauh

pergilah dengan tenang

berpisah antara kita

takdir sang pencipta

melangkahlah ke langit biru

jasadmu tertinggal

jiwamu bergelimang halimun

sirna dari cintaku

hanya memori rindu menemani sepanjang umur

jika rindu itu datang

jelajahi sukma

hanya bayang-bayang mu

hari menemani hariku yang hampa

percayalah kita kan tetap merajut kemesraan  

bila sepi mencekam jiwa

kenanglah kenangan 

yang t'lah kita ayomi

mimpikan semua memori cinta

di alam nan jauh

di taman misteri hidup dan kematian

kita kan terus bersama dalam cinta

hati ini hancur

bersama kepergianmu

tinggal nestapa gundah gulana

berkelana dalam kalbu.

Oleh

(oleh arino lara 82 teruntuk semua orang yang di tinggal kekasih di mayapada iniche sendirian).

EMA NEEBE FIAR IHA JESUS ​​MASKE NIA MATE MAIBE NIA SEI MORIS HIAS

 

 

Omilia husi Amu PAIVER iha misa ba matebian sira iha capela Rotuto tersa semane nee loron 2 November 2021 núne'e amu haklean tan katak Reza ba matebian Sira Tamba ita iha fiar Ida, katak Moris hias nee Sei Mai iha loron Ida.

Ita la hela deit iha mate nee Nia laran,maibe sei Moris hias iha loron Ida, Tamba nee buat Ida mate nee Lao hamutuk ho Moris iha tempo ida, iha mate no iha tempu Ida, iha mos Moris.

Ita hanoin matebian Sira nee ho berani tamba ita hotu – hotu sei mate iha loron ida, nomos loron Ida Ita Sei Moris hias hotu. 

Iha Amu PAIVER nia omilia ne'e akresenta ,Moris Ida nee Ita bele halo oi oin maibe loron Ida Ita ba para iha istana 3 meter.

Ita nia Tempu Ida mate nee, Ita lahatene, Tamba ne buka prepara- an halo didiak,atu prepara-an nee Mak tengki Lao ho dalan los, fuan MOS Tamba Nai Jesus hate ona katak ema neebe fiar Hau, maske Nia mate maibe Nia Sei Moris hias,núne'e atu hetan salvasaun no sai Maromak Nia Reinu Mak tengki Lao tuir Nai maromak Nia hakarak.

====================================

Fontes Sentru informasaun suku Rotuto 

Fotografer : Ana Bete Marques

Hakerek : Amorino da C.Mendes Sarmento

Leitura Biografia saudoso Alexandre Mendes " Tatoli "

Saudoso Alexandre Mendes ho kodiku” Tatoli “ Moris iha suku Rotuto postu administrativo Same, Municipio Manufahi,Moris iha Loron 05 Fulan Julio Tinan 1952,oan husi Aman Mali – siri no iman Sei -Mau,oan ba dala 5 husi oan nain 5 Mane 3 Feto 2.

Partisipasaun no kontribuisaun dereita iha prosesu luta saudoso Alexandre Mendes” Tatoli”ba prosesu luta Libertasaun Nasional hodi lori Timor leste hamrik hanesan nasaun independente.

Iha Tinan 1975 saudoso Tatoli hanesan Forsa FALINTIL no Nia komandante komandante Mak Mateus Soares, segundo komandante Antonino Leto,komandante pelotaun Antonio Seran “Sama Rai Teten” tidak ada komandan seksaun Moises.

Iha Tinan 1977 Fulan November saudoso hetan kapturasaun husi militer Indonesia hodi Tama Tia Mai Vila laran.

Mesmo hetan kapturasaun iha Tinan 1977 Nia laran saudoso “Tatoli” kontinua halo fali ligasaun ho komandante ho naran luis no Arnaldo.

Iha Loron 04 Fulan Janeiro 1978 Sr.Antonio Tilman “ Rotali “sr Jorge Pinto” Nakali “ no Sr.Elias “ Maukiak” untuk fiar ba saudoso Alexandre Mendes” Tatoli” Mak lori informasaun ba iha liur ( ai laran ).hodi hasoru malu ho adjuntu “Nahak”iha kota Ai – Asa fatuk hun DaorBa.

Depois de base de apoio rahun Nia continua halo ligasaun ho saudoso assistente politika Eduarda” Mautalo “ho saudoso Manuel da Silva “ ondas “.

Nunee mos saudoso hetan ligasaun ho Maun boot Antonio manegas “ Mauhono Karataiana Buerek” ho Maun boot saudoso Benancio Veraz.

Iha Loron 20 agusto 1982 oras 00:00 kalan fahe Rua saudoso Alexandre Mendes “Tatoli”hamutuk ho luta nain Sira halo revolta iha Suku Rotuto hodi gadai kilat 7 husi militer indonesia.

Iha Loron 21 Agusto 1982 dadersan saudoso “Tatoli” hamutuk ho luta nain Sira seluk tiru malu ho militar indonesia.

Iha Loron nee Sira tiru malu,Forsa FALINTIL nain Rua (2) Mak mate iha Fatin akontesementu,iha tempo tiru malu nee simu orentasaun husi komando da luta hodi evakua ba ai laran.

Iha tempo nee saudoso Alexandre Mendes”Tatoli”ba ai laran kargo hanesan komandante seksaun iha tempo neeba.

Iha Tinan 1983 – 1990 saudoso “ Tatoli “ sai hanesan Forsa FALINTIL nian hodi kuidadu deit ba Sira neeba moras no kanek iha ai laran.

Iha Tinan 1990 hingga 1992 saudoso Alexandre Mendes “ Tatoli” komesa muda Fatin ba hamutuk ho saudoso “Nino Konis Santana”ho xefi Estado mayor “ Mauhono Karataiana Buerek iha karbualau,Holarua,Sama.

Iha Tinan 1992 hetan asaltu husi militar Indonesia saudoso Tatoli halai hamutuk ho” Mauhuno Karataiana Bulerek to hetan kapturasaun iha Manutasi – Ainaro hodi Nunee Nino Konis Santana kontinua ses ba Ermera.

Iha Loron 08 Fulan Junho Tinan 1993,Saudoso Tatoli hetan fali orentasaun husi komando hodi orenta iha vila laran Nunee saudoso “Tatoli” kontinua tun vila hodi halo Servisu klandestina nian iha vila laran.

Iha Tinan 1995 saudoso “Tatoli” hetan fiar husi adjunto Sole – Sole hodi sai hanesan konselero iha kaixa “ loriku Mate dotu “gropu Moris foun” neebe hari iha pemuda tani – Betano.

Iha tempo nee kedas saudoso Alexandre Mendes naran kodiku “ Tatoli” ba fali kodiku “ Leki la ses hadomi Rai Timor” hodi Nunee hodi kontinua halo Servisu klandestina to Timor Leste hetan ukun Rasik-an iha 1999.

Iha tempu ukun – an saudoso foin desmobiliza husi komando da luta iha Loron 20 Fulan agusto Tinan 2013 iha Same,Betano Nunee saudoso hetan rekonhesementu husi estadu Timor Leste nudar veteranos 8 a 14 anos.

Nunee ho Nia peregrinasaun iha mundu nee Konta ho  saudoso Nia sakrefisu luta ba Libertasaun Timor Leste iha Loron 23 agusto 2021 saudoso hakotu Nia viagen iha mundu,maske Nunee isin Rai tahu Fila ba Rai Nia esperitu Sei moris no isnpira nafatin jerasaun Sira Tuir Mai hodi haboot esperitu nasionalisme no patriotisme hodi tane nafatin nasaun nee ba oin.

===================================

Fontes : Sentru Informasaun suku Rotuto

Hakerek : Manuel da Silva "Cobra" (oan husi saudoso)

Editor & Tanggapan publikasaun: Amorino da Costa Mendes Sarmento

==================

Asuwain

Hei asuwain Timor lorosae

Ho Aten berani,kumu Liman hakilar ba mundu

O asuwain Timor Nia nain

Maske o selu ho o Nia isin rasik

O isin sai Rai metan ba Timor lorosae

O ran sai we matan ba Timor loro sae

O Ulun hodi hada sa'dan Lulik Timor loro sae

O isin sai Rai satan ba Timor loro sae

O Nia Vida Moris saran ba fatuk ho Rai

O Nia uma mak ai hun fatuk hun

O Nia biti Mak ai tahan no abut

Oferta o Nia an ba nasaun hari Estadu

Oh heroi dunik 

O Nia Lian halerik

Ohin ami basa liman

O Nia Lian Tanis 

Ohin ami hamnasa

O asuwain Rai Nia nain

O Nia Liman Mak surik no Dima lulik

O Nia naran Mak lulik ba Timor lorosae

O Nia hanoin, dotrina ba gerasun Timor

Asuwain Ami Nia asuwain

O hanesan Malus no bua lulik

Hafutar Rai Timor

Halulik Rai Timor

Ami onra no tane as o naran

Hakerek iha Rai fukun Rai Saren

Horik ho Ami hadaet ba gerasaun

Hatutan o Nia mehi ba Timor Leste Nia nabilan.

Hakmatek ba iha letan sebagai ba

Sai fitun no Fulan ba Timor loro SAE

Sai loro matan nabilan ba Timor lorosae

Viva asuwain FALINTIL

Viva povo maubere

Hakerek: Amorino da Costa Mendes Sarmento" 82 manufuik Lian "

=================

Etimologia suku Rotuto

 Rotuto 

Iha nasaun Timor Leste, iha kotamadya 13, postu Administrativo 65 ho total Sukus iha teritorial Timor Leste hamutuk 452. 

Husi kotamadya 13 nee Konta mos ho kotamadya Manufahi, iha kotamadya Manufahi kompostu husi postu Administrativo 4 Mak hanesan postu Administrativo Sama, Aduh, Fatuberliu no Turiskai ho total Sukus 29.

Husi postu Administrativo 4 nee Ho total Sukus 29 nee, iha postu Administrativo Sama rasik kompostu husi suku 8 neebe Konta mos ho suku Rotuto.

 Rotuto suku Ida neebe Nia lokalizado iha foho kablaki Nia hun. 

Suku Rotuto kompostu husi Aldeia lima Mak hanesan Aldeia Sabou, aldeia Hatuhei, Aldeia Foehei, aldeia Berteni no aldeia Leofat.

Suku Rotuto Hare husi baliza mampamentu Nian suku Rotuto husi parte Norte baliza ho suku Mauchiga postu Administrativo fatubuilico, munisipio Ainaro, husi parte Leste baliza ho suku Letefoho, posto Administrativo Same, husi parte soul baliza ho suku Daisua no suku Grotu posto Administrativo Same, husi parte weste baliza ho suku Leolima, postu Administrativo Hato-udo, munisipio Ainaro.

Naran suku Rotuto foti husi Lian Mambae tuir dialetiku suku Rotuto ho limguagen original Mak "Mambae", Mambae Rotuto Mak "Tou" neebe evolusaun limguagen husi Tou tuir dinamika misto limguagen Mak ohin loron konhesedu Mambae Rotuto Mak "Kase".

Nunee Mak Etemologia naran Rotuto Mai husi liafuan mambae katak "Ro" Mak Ema, "Tu" mak "Bot" no "To" Mai husi liafuan "Tou" neebe Mak sai hanesan instrumentu komonikasaun no sai hanesan linguazen origien suku Rotuto, ho nunee " tou "Mak" Koalia "ho nunee Mak Ita kunjuga liafuan Rotuto nee ho sentidu katak Rotuto Mak" Ema bot Koalia ".

# Che Arino Lara 82 #

Amorino da Costa Mendes Sarmento

## loriko asuwain ##

# kalohan ##

## LD (82) Manufuik Lian ##

https://www.instagram.com/p/BPZtNvsAts_/?igshid=10p25z2od88xz,https://www.instagram.com/p/BPRsl_aAbp0/?igshid=yqf6wtu6onvm,https://www.instagram.com/p/ BPM_G4Pg-H5 /? Igshid = 1284memf8wl3d, https: //www.instagram.com/p/BN5lceWBVJV/? Igshid = 1yyzg6ulqa, https: //www.instagram.com/p/BNWRWDGBnRE/? Igshid = 66bm209jran,