Iha quarta feira,loron 10 Fulan Júlio 2024 iha Ailuli,Aldeia HATUHEI, Suku Rotuto Assosiasaun Chega ba Ita ( ACBIT ) halo assismento ba ínan sobrevivência Ne’ebé Mak hetan violasaun seksual iha tempo ukupasaun indonesia.
Núnee tuir Staff Acbit ANGELA DOS SANTOS katak atividades nee nudar atividades Bukae ba ínan sobrevivência Sira iha suku Rotuto neebe ho typu apoio ba negócio Kiik ( kios ) Hakiak animal Sira, halo Gropu hortikultura atu sira bele Fila Liman nomos hadia Sira nia uma, exemplo troka uma Ne’ebé Mak nia kaleng at ona no seluk Tan no programa ida nee foku Liu ba ema Nain 7 Mak Hanesan Olga dos Santos, Lorensa de Orleans, Filomena Orleans,Rosa pacheco,Anita Caldeira,Marqarida dos Santos.
Iha fatin Hanesan IMANUEL DUBES PINTO nudar Kordenador Projeto BUKAE iha Fundasaun Luta ba Futuru ( LBF) Ne'ebé halo Parsero ho ACBIT no AJAR, programa nee Rasik hetan Apóio finanseiro husi ACBIT no AJAR hodi halo Monitoring inklui mos halo Plano Asaun ba Subrevivensia sira iha Munisipiu Manufahi; Programa Bukae Ne’e Nudar atividade kontinuasaun husi tinan Hirak ba Kotuk Ne'ebé halo ona levantamento ba inan sobrevivente Sira iha suku inklui iha Município Manufahi Tomak.
Núnee Kordenador ba programa Bukae Ne’e aumenta iha levantamento ínan sobreviventes lubuk ida mak identifika Maibe ba tinan ida nee Konsentra lai ba inan sobrevivente Sira Ne’ebé mak hetan violasaun seksual iha tempo passado núnee iha suku Rotuto ba tinan Ida nee, Ema hamutuk nain 7 kompusto husi inan Sira Ne’ebé hetan violasaun seksual no labarik sira Ne’ebé Moris iha funu laran rezultado husi violasaun seksual.
Tamba née objectivo husi atividades nee Atu buka hatene inan Sira Nia Kondisaun, hela Fatin Diak ka Lae, Kondisaun saude Diak Ka Lae,husi formatu indetifikasaun Ne’ebé Liu Mak ohin ( 10/07)Mai halo Plano Assaun partisipatorio Ne’ebé Foku ba rekomendasaun Ne’ebé sobrevivente Sira rekomenda iha Fulan ba Kotuk tuir saída Mak Sira Presiza, exemplo iha prioridade Balu Mak Sira hakarak hadia uma Laos halo Uma foun, núnee Ita iha Fundus Kiik Ne’ebé ACBIT iha Ne’ebé hanaran Bukae Ne’ebé Temporariamente atu tulun Sira ba hetan rezultado, núnee bele Sai exemplo ba governo atu Sira bele hetan reparasaun husi Estado.
IMANUEL DUBES PINTO hatutan nudar Sosiadade civil laiha Kbit atu halo reparasaun ba sobrevivente Sira maibe nudar modelo advokasia ida atu Governo bele toma inasiativa hodi halo reparasaun ba sobrevivente Sira Ne’ebé sai Vítima iha Tempo okupasaun nian.
Bukae nee Foku Liu ba ínan sobrevivência Sira, Ne’ebé hetan violasaun seksual Ne’ebé Mak nudar meus atu kura ínan Sira Nia sobrementu iha Tempo pasado Tamba hare husi Assaun Sira Ne’ebé akontese ba Sira iha Tempo pasado Ne’ebé afeta piskologico ba Sira sai moras mental no Sira Balu hetan defamasaun husi Sosiadade no família nomos atu tulun Sira iha Tempo badak oinsa Mak atu lori Sira nia aspirasaun no Sira Nia terus ba governo atu toma inisiativo.
Inan sobrevivente Ne’e Barak tebes maibe ida Ne’e fase inisiu no halo fase kada fase Núnee fase nee halo ba Sira Ne’ebé hetan violasaun seksual no tempo tuir Mai sei halo ba ínan sobrevivência Sira seluk: tenik Kordenador ba programa Bukae IMANUEL DUBES PINTO.
===============
Sentru Informasaun Suku Rotutu
Amorino Mendes #CheArinoLara82
