Iha Sede Suku Rotuto, PNDs Posto Same, fo formasaun ba Membros Konselho Suku, Equipa PNDS Suku Rotuto no Apoio Administrasaun Suku Rotuto neebe hahu iha loron 17 to 19 Júnio 2024.
Núnee iha loron 19 Júnio 2024, ba Jornalista sentru Informasaun Suku Rotutu LEONIA PINTO CORREIA nudar Fasilitador Sosial Ne’ebé mos hanesan Kordenador ba Programa PNDs Postu Administrativo Same katak Liu husi FORMASAUN nee atu Konsentra hamutuk papel Membros konselho suku, equipa PNDS suku Nomos Apoio Administrasaun Suku hodi apoio likus programa PNDs nian Iha Suku Rotuto hodi hadia Diak Liu Tan.
Iha Fatin hanesan ba Jornalista Sentru Informasaun Suku Rotutu Leonia Pinto Korea mos hatutan Liu husi formasaun nee bele Konsentra ka tau hamutuk prespektiva Sira husi membros konselho suku,Equipa PNDs Suku Rotuto bele iha hanoin Ida katak programa PNDs Ne’ebé Mak Lao,nee Ema Hotu nian, hodi Núnee la mosu Dun malu katak PNDS Nian ka Membros Konselho suku nian maibe atividade PNDS nee Hotu hotu nia Responsabilidade.
Kordenador PNDS postu Same nee mos aumenta Tan katak hare ba Osan Ne’ebé Mak durante nee poupa Hela, duque tau ba konvri Estado, Diak Liu utiliza Osan nee hodi halo kapasitasaun ba Membros Konselho suku Sira Ne’ebé foin eleito, Ne’ebé Mak sidauk apar ho programa PNDS nian Núnee liu husi formasaun nee Sira bele entende no Hatene programa PNDS nian.
Formasaun Ba membros konselho suku no equipa PNDS suku Nomos Apóio Administrasaun Suku nee, koalia Foku Liu iha topiku neebe Mak relasiona ho Atividade Ne’ebé Mak lao iha suku, Ne’ebé koalia Kona ba formato tecniku nian, formato Sosial nian Nomos formatu Finanças nian .
Iha finanças nee Koalia Kona ba gestaun orsamento no mata dalan PNDS nian, Koalia mos kona ba aprovisionamento, koalia kona ba técnico Nian Mak oinsa identifika material neebe Mak kwalidade hare ba iha besi,Semente,Raihenek no Fatuk Ne’ebé Mak kwalidade liu iha suku laran Mak Ida Ne’ebé hodi Núnee liu husi formasaun Ida nee atu fo konhesementu ba Membros hotu atu bele tau Atensaun ba nia kwalidade,iha Formasaun nee, koalia Mos kona ba oinsa halo pedido ba fornesedor Sira Nomos oinsa delegado Ka delegada ou Xefi Aldeia Sira atu kontrolo material Sira Ne’ebé Mak fornesedor Sira fornese, koalia Kona ba oinsa badai Sira bele hare dezemho no oinsa atu dezenha ilustrasaun sira husi kumunidade Sira Kona Ba Valeta,Deker, penahan no seluk Tan.
Parte sosial Koalia Kona ba Knar Sira neebe ema ida idak tengki Hatene nia Knar Núnee Mak konselho suku no equipa gestaun PNDs suku tau hamutuk nia Knar Sira nee, hodi Responsabiliza Programa PNDS iha suku Ida nee bele mos Ministério seluk mak Ita halo hanesan nee Mak servisu sei lao ho Diak.
Iha Formasaun Sira nee koalia mos kona ba formatu sosializasaun, mobiliza trabalhador, Loke Konta Bancário, loke no avalia kotasaun ba fornesedor Sira, oinsa loke.encontro dahuluk no encontro ikus no kona ba manutenção nee sei Responsabiliza husi se nomos karik iha tempo atu fo Formasaun kona ba lideransa no oinsa halo proposta.
Núnee LEONIA PINTO CORREIA nudar Fasilitador sosial Nomos Kordenador ba Programa PNDS Postu Administrativo Same Nia esperança katak konselho suku no equipa gestaun Sira ho formasaun nee bele iha konhesementu Ne’ebé klean no intende Programa PNDS nian ho Diak atu Núnee bele Lori Sussesu iha Futuro.
Iha Formasaun nee, Prezidente KPA – PNDs suku Rotuto AMADEU DA COSTA hatete katak formasaun nee ba loron dahuluk hetan formasaun kona ba técnico Nian, iha loron daruak hetan Formasaun Kona ba Finanças nian no loron datoluk hetan Formasaun kona ba Sosial nian hodi Núnee AMADEU DA COSTA Agradese ba formador Sira Tamba bele forma Equipa Gestaun PNDS nian no membros konselho suku tomak atu bele komprende nia lalaok no nia prosesu obra Sira Ne’ebé lao iha Suku nee atu Sira mos Bele Hatene saída DEIT Mak atu halo iha nee ho kwalidade ba Ita Nia suku Rotuto.
Núnee mos AMADEU DA COSTA hatutan katak iha Formasaun nee partisipasaun husi membros konselho suku Sira maximu tebes no espera Sira mos Bele komprende Diak Liu Tan prosesu servisu Ne’ebé Lao iha Suku Rotuto no membros PNDS ho formasaun nee bele komprende no intende Diak Liu Tan Programa PNDS Nia atividade iha Suku Rotuto.
Iha Fatin hanesan Delegada Sabou CECILIA DA COSTA Espresa katak formasaun Diak tebes ba Sira, Liafuan hanesan mos hatoo husi FILOMENA PREGO DOS SANTOS Ne’ebé Nudar secretaria KPA – PNDS Suku Rotuto katak Liu husi formasaun nee Sira bele aprende Diak Liu Tan no Hatene técnico Nian ba kwidade material Sira Nomos bele iha konhesementu Kona ba lalaok atividade PNDS nian iha Suku.
==============
Sentru Informasaun Suku Rotutu
Amorino Mendes #CheArinoLara82
