Termus de Juramentu
Iha loron Ohin segunda feira data 12 de febreiro de 2018 , iha sede suku Rotuto, ho horas .11: 30 dader oras timor lorosae iha imi hotu nia oin no imi hotu mak sai sasin, ami hotu nebe’e hetan fiar hodi orienta komisaun organizadora jura ba aman maromak iha leten a’as ba, kukun ho roman, fukun ki’ik to’o bo’ot, husi fu’uk lahan tun to’o ain, husi sorin baluk ba to’o sorin baluk, foho lulik kablaki,be matan ai hun,ilat ho bosok,rai fukun tolu rai sarin tolu, ukun nain Natureza rai nia nain, ba ruin ho ran sira hotu ne’ebe namkari iha Same – Rai fusa – Betano,iha Aileu –ai sirimou Dili – ilha Atauro no iha ai laran – fatuk hun ai hun sira no geralmente ,loro sae ba to’o loro monu, husi foho tun to’o tasi, be’e matan aihun, fatuk ho’o rai, ahi matan ai Sara ba sira hotu nebe’e mak ami labele sura no konta maibe ami sira ne’e hotu sei hakruk no fo’o honra hodi hahi no hanai, sei tane no foti nafatin, sei la kole,sei la baruk,hodi la bosan sei la bosan naran la lakon sei la lakon,morin no funan iha timor lorosae, as no metin hanesan kablaki nune’e sei sai hanesan eransa historiku ba dulan foun no otas foun hodi husik hela husi otas ida ba otas tuir mai.
ohin iha imi hotu nia prezensa, ami hotu nebe’e iha ne’e kompromete ho ami nia onra tomak hodi jura katak ami sei kumpri ho responsabilidade tomak sem prejuiza ordem hotu nebe’e hatun mai husi ita nia ema povo Rotuto sira, hodi ami halao to’o nia finalaidade hahu husi data. 12 fulan.marsu .tinan 2018.
Atu eksuta ordem povo mate restu ,valoriza heroi Rotuto oan sira ne’ebe ho aten berani fo isin ba rai ne’e nia ukun ,identidade no independenti ; nia ordem, ami hotu nebe’e hamri’ik iha fatin ida ne’e husu nafatin Aman lalehan rohan laek,avo no bei ala sira tun husi Roman Nabilan – Sai husi metan nakukun,mai husi tasi no be matan aihun Haraik fitun mane naroman atu ami hakat ba loromatan nabilan fo sai no hatudu Rotuto nia involvementu da luta ba indepedensia Timor leste ba ema hotu.
ba Rotuto mate restu ne’ebé sei moris no heroi asu wain sira ne’eb”e iha mundu seluk atu tulun ami hotu liu husi kbi’it, beran no rahun diak mai ami atu nune’e iha ami nia lao hotu bele hetan suksesu n”une’ mak ita nia ema sira tuku tur hodi hein hela ne’e, no iha fatin ida ne’e nomo’os ba sira nebe’e mak oras ne’e hela besik ona iha Aman nia sorin kuanan atu labele haluhan loke dalan naroman mai ami liu husi imi nia espirirtu santu.
Nune’e mo’os Husu ba imi hotu ami temi no bolu – sura no konta,la to – aumenta bodik ba,se liu tiha hadia bodik ba hamutuk ho ami, ho sira no ba ita hotu iha fatin ida ne’e hodi nune’e ba nafatin labele halo tuka no iha rohan.
AMEN
termos juramentu komisaun organizadora 20 agusto 1982
