Presenza São João Paulo II atu halo mudansa radikal ba ita hot – hotu

Liafuan ida ne’e hato’o husi Dereitur da Edukasaun municipio manufahi sr.Trinitos sarmento iha visita ilas São João Paulo II iha Ensino Basico Central ( EBC) Bisakrem,quarta feira  loron 11 marsu 2020 ne’ebé  sai uma nain iha ba visita ne’e mak  Ensino Basico Filial ( EBF ) Manico,aldeia Manico,suku Letefoho postu administrative Same.
Iha intervensaun ne’e Dereitur da Edukasaun municipio manufahi sr.Trinitos sarmento husu ba inan aman sira,lider kumunitariu sira ho oan sira atu hatene objective husi presenza mahein escola  nian São João Paulo II mahein ba edukasaun maibe presenja nudar santo ba ema hotu ( Ita hotu ).
São João Paulo II ita hotu konsedera nia hanesan santo,santo ida ne’ebe mak iha estoria igreja ita hare santo barak teb-tebes  maibe uniku santo ne’ebé mai tau ain iha rai  Timor mak São João Paulo II ne’e especial teb-tebes tamba sama ain iha rai Timor I rei rai Timor ne’ebe ohin mosu mai iha ita nia let nudar ilas ida mai atu hafanun fila fali ita ho objective ho presenza ni-nian mai atu halo mudansa radikal ba ita hot-hotu,núne’e ba inan aman sira atu hatene didiak nia papel nudar aman ba ita nia oan sira,eduka ita nia oan sira atu sai ema ne’ebe diak,ema ne’ebé moris iha ksolok nia laran.
Nune’e mos ba dereitur ne’e sublina tan katak ba manorin sira kumpri ita nia dever nuudar manorin ida diak,manorin ida ne’ebe hakarak tebes kuda fini matenek ba oan sira para aban bain rua oan sir abele sai matenek no bele goza moris ida ne’ebé ho ksolok.
Ba oan sira kumpri nia papel nudar estudantes,estudantes katak ema ne’ebé estudiozo,estuda nafatin,estuda atu hatene buat diak no sai ema ne’ebé diak  hodi muda nia moris liu husi edukasaun.
Tamba ne’e são João Paulo II nia presenja mak ida ne’e hafunan fali ita,loke ita nia hanoin,loke fali ita nia fuan atu  simu buat ne’ebé diak no atu hametin fila fali unidade entre ita tuir nia mensagem katak ita hanesan masin no naroman ba mundu,liafuan sira ne’e inspira fali ita atu muda ita nia moris liu husi ita nia hahalok lor-loron nian,liu husi ita nia liafuan,liu husi ita nia hanoin,liu husi ita nia knar hanesan aman inan,hanesan mestri,hanesan estudantes sira,nune’e ida-idak buka atu muda nia hahalok sira ne’e.
Ne’e duni  dereitur da eduksaun municipio manufahi sr.Trinitos Sarmento hato’o mensagem ba lider kumunitariu sira,xefi suku husi fatin hat – xefi suku Rotuto,xefi suku Letefoho,xefi suku grotu,xefi suku daisua ,parte military ni-nian no ba inan aman sira hotu atu garante stabilidade paz no hakmatek durante são João Paulo II nia presenza iha escola EBF.Manico ne’ebé sai hanesan fatin ba EBC. Bisekrem labele hamosu disturbio ka problemas,ita  koko mai binera nia hodi halakon ita nia egoism sira ne’ebe buka kria problema maibe ita buka loke ita nia fuan,hamamuk ita nia laran núne’e presenja mahein atu bele halo mudansa ruma.
Tamba expresaun barak mosu tama iha escola secundario geral ( ESG )1912,baiha Suri-Rema,fatuku,ailuli,ba café,mai diligensia expresaun ne’ebé ita hare wainhira atu husik mahein husik ho mata wen katak presenza são João Paulo II nian doko dunik ema nia fuan,muda duni buat ruma ita espera ne’e bele akontese mos iha EBC.Bisakrem tamba maske nia ilas sai husi escola ida ida maibe nia memoria iha nafatin atu inkoraja nafatin ita,atu motiva ita.
Iha fatin hanesan  dereitur da eduksaun municipio manufahi sr.Trinitos Sarmento hatoo nia agradesemento klean ba EBC bisakrem tamba  partsipasaun maximu teb – tebes  husi  autoridade, lider kumunitariu,husi inan aman no oan doben sira ne’ebe hatudu katak ita fiar malu no rona malu no aktu ida ne’e mak it abele garante buat hotu – hotu sei lao diak tamba ita fiar malu.
Fontes : sentru informasaun suku Rotuto ( SISR )
Hakerek husi : Amorino da Costa Mendes sarmento