tersa Feira semana nee,loron 8 Fulan fevreiro 2022,equipa PNDS husi nasional,equipa PNDS Municipio no postu nomos euqipa PNDS suku hamutuk ho membros konselho suku Rotuto, hala'o enkontro ho kumunidade Sira iha sede suku Rotuto hodi soaializa program Konstrusaun no Rehabilitasaun Estrada ( KRE ) nomos Uma kbiit laek ( UKL ) ba kumunidade Rotuto.
Iha enkontro nee mos Prezidente KPA sessante Joao da silva relata Kona ba Konstrusaun Uma kbit laek ( UKL ) iha Suku Rotuto neebe benefisiariu kbit laek husi aldeia Leofat neebe oras nee konstrui dadauk atingi ona 50% iha mumentu nee hanesan liafuan ikus husi Prezidente KPA, Tamba mumentu nee halo MOS restruturasaun ba strutura equipa PNDS suku Rotuto no ser hanesan Prezidente KPA foun Mak Amadeu da Costa nomeiadu husi membros konselho suku no kumunidade Rotuto hodi troka Joao da Silva nomos Benedita Borges troka fali tezoreiro KPA neebe sessante Clementina Prego.
Iha tempo nee,Representante husi PNDS Nasional Joens pinto hatete katak iha enkontro nee ho objektivo atu loke kotasaun ba Projetu KRE nian nomos partilha informasaun Kona ba implementasi Uma kbit laek ba Tinan Ida nee iha suku Rotuto.
Iha Fatin hanesan OPS suku Rotuto Aniceto da Costa Pereira, husu Ema hotu Tengki displina, nudar siguransa prontu asegura no akompanha programa neebe aloka Mai suku Rotuto to remata, nunee parte siguransa tau Esperansa ba oin iha implementasaun labele mosu problema ruma.
Akresenta Tan husi veteranos Mariano da Silva " Baleia "nafatin hamutuk ho equipa PNDs hodi indentifika Ema kbit laek Sira neebe merese hetan Uma kbit laek.
Nunee MOS Xefi suku Rotuto Jose dos Santos hatutan katak hotu hotu iha dereitu atu hetan Uma kbit laek nee maibe konforme Sorte, iha prosesu intrevista Mak foin bele hatene SE Mak benefisia husi Uma kbit laek refere,nomos xefi suku hatete katak enkontro nee iha assunttu importante rua neebe Mak Lao hanesan KRE no Uma kbiit laek.
Iha momentu nee xefi suku Rotuto Jose dos Santos no veteranos "Baleia" ofisial loke kotasaun ba fornesedor KRE nian ba kompanhia Rua neebe tuir kotasaun Mak hanesan Rotuhat ho Leodasi .
iha prosesu kotasaun hatudu katak husi fornesedor Rotuhat prensia material fabrika ho Nia montante $ 3068.50 nomos material lokal $ 12,900.00 neebe kompeti ho kompania Leodasi neebe prensia deit material Lokal $ 14,465.00 maibe la Presnsia materia fabrika, nunee Sai hanesan fornesedor ba projetu KRE Mak kompanhia Rotuhat.
Depois de loke kotasaun,Tama kedas ba restrutura strutura PNDS suku Rotuto nomos fo formasaun ba membros PNDS hodi ba halo intrevista ba Ema neebe Tama ba lista benefisiariu Uma kbit laek nee.
===================
Sentru Informasaun Suku Rotuto
Amorino da Costa Mendes Sarmento
No comments:
Post a Comment