PARABÉNS BA POVO TIMOR LESTE
LORON NEE DUNIK MAK ITA HAKOTU NASAUN TIMOR LESTE NIA DISTINU
30 AUGUSTO 1999
30 AGUSTO 2022
Núne'e ho sentidu domin tatoli parabeniza ba nasaun Timor leste Liu husi dadolin Rua ne'ebé Atan Hau nudar fundador HAKBIT no gestor sentru Informasaun Suku Rotuto ofrese ba Timor:
BA O TIMOR O EMAR PRONTU SERVI
Timor sai abut ba o emar
Timor ai hun fo mahon ba o emar sira
Husi o isin habokur o emar
Iha o isin we Moris fo Moris o emar
Iha o leten ai hahoris fo Moris o emar
Iha o ruin fo murak mean hafutar,hafalun,hariku o emar timor Leste
Husi otas ba otas,husi dalas ba dalas o Timor o nain ba o emar Sira.
Maske tinan Wain
emar sai Atan
ba Laho Lao Rai,
sai Atan ba busa ho fulun malae
Sai Atan ba asu fuik tasi baluk
Isin krekas neon namlele
kosar we nakfilak ba ran
Mata Wen sai we matan iha foho to tasi
Lafaek tasi baluk Mak sai fali o Nia Liman kroat
ho Riku no soin laho Lao Rai tasi baluk
bosok o emar, explora o isin Nia bokur,hafoer o Nia identidade,no halo Timor sai misto iha atitude moris.
emar tanis hakilar – hakilar halerik
Rai nonok hare,loro leten sai sasin
Natureza Siak hakilar- Rai lakan tarutu
Hafanun o emar, inspira o emar
Fo Aten berani esperitu nasionalista
Ba o emar hodi foti surik no Dima
Foti Rama no kilat maske selu ho folin nebe ass
Maske ulun hodi hada ilat ho bosok ba Timor leste
Ruin sai sa’dan lulik ba Timor leste
Isin sai Rai satan ba Timor Leste
Tan o Timor matan we - kosar we
Tan o Timor isin,klamar no ran
Tan o Timor esforsu no buat hotu nebe iha.
Ba deit o Timor o emar Pronto fo
===============
By; Amorino da Costa Mendes Sarmento
ASUWAIN
Hei asuwain Timor lorosae
Ho Aten berani,kumu Liman hakilar ba mundu
O asuwain Timor Nia nain
Maske o selu ho o Nia isin rasik
O isin sai Rai metan ba Timor lorosae
O ran sai we matan ba Timor loro sae
O Ulun hodi hada sa'dan Lulik Timor loro sae
O isin sai Rai satan ba Timor loro sae
O Nia Vida Moris saran ba fatuk ho Rai
O Nia uma mak ai hun fatuk hun
O Nia biti Mak ai tahan no abut
Oferta o Nia an ba nasaun hari Estadu
O heroi dunik
O Nia Lian halerik
Ohin ami basa Liman
O Nia Lian Tanis
Ohin ami hamnasa
O asuwain Rai Nia nain
O Nia Liman Mak surik no Dima lulik
O Nia naran Mak lulik ba Timor lorosae
O Nia hanoin Mak dotrina ba gerasun Timor
Asuwain Ami Nia asuwain
O hanesan Malus no bua lulik
Hafutar Rai Timor
Halulik Rai Timor
Ami onra no tane as o naran
Hakerek iha Rai fukun Rai Saren
Horik ho Ami hadaet ba gerasaun
Hatutan o Nia mehi ba Timor Leste Nia nabilan.
Hakmatek ba iha letan as ba
Sai fitun no Fulan ba Timor loro SAE
Sai loro matan nabilan ba Timor lorosae
Viva asuwain FALINTIL
Viva povo maubere
Hakerek: Amorino da Costa Mendes Sarmento" 82 manufuik Lian "
No comments:
Post a Comment