iha sequnda Loron 12 Fulan Fevereiro 2018 iha sede suku Rotuto, lider Kumunitaria Suku Rotuto realiza sermonia Tomada de posse ba komisaun organizadora ida Ne'ebé hanaran Komisaun organizadora levantamento 20 Augusto 1982 Ne'ebe ho papel atu buka tuir realidade moruk Ne'ebé akontese ba povo Rotuto iha tempo Ne'eba ,Ne'ebé povo Rotuto,Hatudu Nia prontidão atu sakrifika Nia an ba libertasaun Nasional ho Assaun levantamento, núnee Liu husi Komisaun nee atu kosilida no rekonselia povo Rotuto hodi arquiva Nia estória moruk Sira nee,sai efidensia historiku ba gerasaun tuir Mai nomos Liu husi Komisaun nee atu fo honra ba povo Rotuto Nia sakrifisiu ba libertasaun Nasional Ne'ebé rezulta povo Rotuto hodi muda obrigatório enforsadamente husi autoridade invasor militar Indonésia sai husi suku Rotuto hodi ba destera iha Rai-fusa Betano , Aileu- aisirimou, Dili-ilha Atauro no balu tengki halai ba ailaran hamutuk Ho komando da luta /FALINTIL hodi luta kontra okupasaun militar indonesia,to Mai hetan indepensia.
Atu valoriza Povo Rotuto Nia luta,Maske ohin loron sei iha deskonsederasaun no desintedemento ba kontuido desterado nian néebe iha tempo neeba povo Nia Moris iha fatin desterado moruk hanesan aidila tahan,Ne'ebé aidila tahan tebes mos tengki sosa hodi hatutan Moris.
Muda obrigatório ida nee,obriga ema hotu hahu husi inan isin Rua,bebê,labarik Kiik,Sira feto klosan no Mane klosan Sira to ferik no katuas Sira hodi sai husi suku Rotuto ba destera iha Fatin seluk,Fatin Moris rona Deit manufuik Mak Lian,plantasaun no aihoris Sira hetan Lelaun husi militar Indonésia ho Nia kroni Sira, hansip,Tenaga Bantuan Operasi ( TBO),intelegen Indonesia nian no povo civil Sira Ne'ebé apoio militar Indonésia.
Iha levantamento nee fo presaun política ingeral ba Manufahi tomak,Ema Ne'ebé Mak fo apoio ba luta libertasaun da pátria hetan intemidasaun,teror,turturasaun,kapturasan no muda obrigatório hodi sai husi Sira Nia moris Fatin ba Hela iha Fatin seluk hanesan Daisua balu ba Hela iha Simpang Tiga ,Beikala,no Fatin seluk Tan,GROTU Balu Tengki muda ba Hela iha Hatoudu no seluk seluk Tan.
Husi sofrementu oi - oin mak akontese iha altura neba mak iha data 12 fevereiro 2018 lider kumunitaria suku Rotuto halo tomada de pose ba komisaun organizadora hodi eksekuta ordem povo Rotuto mate restu liu husi Hakbit rekonsiliasaun no haforsa konselidasaun kumunitaria nudar valorizasaun ba levantamentu 20 agusto 1982 hodi halo preparasaun ba sermonia insara Bendera ofisial komemorasaun loron Levantamento 20 Augusto 1982 no loron Espesial ba komando da luta Ka Loron FALINTIL nian, hari munumentu no nahe biti boot hodi hatudu katak tebes dunik Rotuto iha altura nebe revolta kontra militar indonesia ho objectivo ukun rasikan.
Iha prosesu tomada de pose nee, Komisaun organizadora Levantamento 20 Augusto 1882 neebe harii husi povo Rotuto no membros konselho suku Rotuto no xefi suku Rotuto Jose dos Santos " Juvensiu" nee hetan posse Ofisial husi Administrador Posto Administrativo Same Amândio de Assunsaun da Costa neebe representanta Administrador Municipio Manufahi Dr.Arantes Issac Sarmento atu fo Ligitimasaun no legalidade ba komisaun organizadora nunee bele existe hodi exerse Nia knar tuir povo Rotuto Nia Mehi,no bele eksekuta nia aktividade hotu hahu inisia nomos to nia finalidade.
================================
================================
Dukumentasaun husi Gropu Hakbiit,Ne'ebé existe iha suku Rotuto, Amorino Da Costa Mendes Sarmento.Sekretaria Geral Komisaun organizadora Levantamento 20 Augusto 1982.
No comments:
Post a Comment