Sentru Informasaun Suku Rotuto ( SISR): “ IMI BUKA SAI SANTO BA HANESAN IMI NIA AMAN LALEHAN SANTO “

SISR ; omelia husi padre Fernando da Silva iha selebrasaun misa ba santo no Santa sira iha Capela Estasaun Rotuto,tersa feira,loron 1 fulan novembro tinan 2022.

Iha omelia ne’e padre Fernando mos hatutan tan katak Santo ne’e laos padre madre sira deit,maibe ita hot hotu tengki sai santo,sai santo iha ida ida nia knar hodi defende lia los,defende dotrina igreja katolika, defende ita nia solidaridade,labele fo terus ema,labele fo susar ema,tamba santo santa ne’e laos padre madre deit maibe ita hot hotu ne’ebé simu sakramento baptismo,ita hot hotu simu knar tolu hanesan deit katak Sai Profeta, Sai Liurai no Sai Nai Lulik.

Núne’e mos amo selebrante misa ne’e salenta tan katak Knar tolu ne’e atu ita halo tuir hodi moris sai santo,tamba maromak ne’ebé halo ita ne’e, Santo, sai santo hodi tuir santo sira ne’ebé hanesan naroman kiik ida ba ita ne’ebe hatudu exemplo ba ita, atu ita ida idak nia fiar no hahalok ne’e bele ba to iha Nai Jesus Kristu no to Maromak.

Santo ne’e ita hot hotu tengki sai santo laos sira ne’ebé konsagrado ka kosnsagrada deit,maibe atu moris sai santo ita hahu ho orasaun,orasaun labele falta loron ho kalan ita halo iha ita nia uma,sai santo laos ita reza deit maibe hatudu mos liu husi hahalok,moris kiak,moris simples,labele hamatak ema nia sasan,labele diskrimina ema,debe ema nia sasan karik, tengki selu,labele dun matak ema ,labele naok ema nia sasan,labele naran hatete ema tun sae,tamba moris Santo ne’e ema sira ne’ebé hakas an atu moris tuir valor evangelho nian,defende justiza halo karidade,hadomi lia los no fo sira nia an tomak ba maromak,tamba ita nia Nai jesus Cristo.

“Ksolok ba ema sira ne’ebe tanis,hamrok ba justiza,ksolok ba ema sira ne’ebe ema duni,ksolok ba ema sira ne’ebe, ema fo terus,ksolok ba, ema sira neebé hamlaha,ksolok ba imi,wainhira tan hau( Jesus ) Ema hatete at imi,lori imi atu foti lia los hodi soi imi,haksolok ba hahi ba, basa imi nia kolen iha lalehan wain”.