Sentru Informasaun Suku Rotuto ( SISR): MTCI APOIO ONA 40% BA GTTK BERMAU IHA SUKU ROTUTO

SISR ; liafuan ne’e hato’o husi gestor Gropu Trabalho Turismo Kumunitario ( GTTK ) Beleza Rotuto Matak no Uniku ( BERMAU) sr. Amorino da costa mendes Sarmento, iha sede suku Rotuto wainhira halao encontro ho membros konselho suku Rotuto,membros strutura GTTK BERMAU,gropu targetu ba atrasaun turistiku,gropu Sabou Ria no Gropu Erafa, iha segunda feira, loron 31,fulan outubro,tinan 2022.

Iha encontro ne’e gestor ne’e koalia kona ba fatin implementasaun aktividade atrasaun turistiku ne’ebé atu hala’o iha suku Rotuto,ne’ebé tuir konsessus kolektivo iha encontro ne’e fatin ba implementasaun atrasaun turistiku mak hanesan Ailuli aldeia Hatuhei,suku Rotuto nomos iha sede suku nia oin,nune’e mos ba gropu targetu hanesan sabou ria no erafa ne’ebé sei halao iha sabou io aldeia foehei no aimethei iha aldeia hatuhei.

Gestor GTTK BERMAU mos salenta tan kona ba aktividade ne’ebé mak sei halo fahe ba parte rua parte preimeiru mak fasilidade geral turismo nian mak hanesan konstroi Arku bemevindo iha Ailuli,postu informasaun ba turistiku nian no toilet publiku besik Postu informasaun ne’e sei halo iha Ailuli,uma negosio kumunitario iha sede suku nia oin,monta sinais trusitiku hodi hatudu ba atrasaun turistiku sira,Quadro informasaun ba areia turistiku sira,parte segundu mak gropu tragetu turistiku sira mak hanesan iha gropu sabou ria sei halao toilete publiku,photo shoot,monta lampu haleu iha areia photo shoot nian ne’e,halo lutu haleu iha areia ne’e,dada be ba to iha fatin ne’e no iha gropu Erafa mak sei halo photo shoot ida iha aimethei.

Núne’e mos Sr.Amorino nudar Gestor ba gropu GTTK BERMAU hatutan tan katak total orsamentu ne’ebé apoio husi Ministerio Turismo e Comercio Industria ( MTCI ) liu husi Husi Vise Ministera Turismo Kumunitaria e Cultural hodi dezenvolve atrasaun turistiku iha suku Rotuto hamutuk $ 49.978.00 maibe prosesu ne’e fazeadamente neébé ba faze dahuluk husi Ministerio aloka ona 40% hodi halo aktividade sira ne’ebé temi ona iha leten,ne’ebé ho total orsamentu hamutuk $ 19.991.20 no osan ne’e agora dadauk iha ona GTTK BERMAU nia liman hodi halo atividade turismo ne’ebé mak temi ona iha leten.

Sr. amorino mos salenta tan katak turi lolos, atividade ne’e halaó tiha ona,maibe tamba aktividade iha suku Rotuto ne’e mais dupla no fahe ema la to hodi halo servisu ne’e,no foin dadauk mos ema hot hotu konsentra ba limpeza no harii besi Rin eletricidade nian mai suku Rotuto,balu mos halo uma UKL,balu mos halo escola nomos ho iklima ne’ebé udan ben barak liu mak atividade turismo ne’e foin mak atu halo iha fulan novembro tinan ne’e ( 2022 ) depois de finadu .