Sentru Informasaun Suku Rotuto ( SISR): NOSA SENHORA ASSUNSAUN SAME HUSI ROTUTO HIT-AN HIKAS BA VISITA FATIN HELIK FATUK MAROMAK – MAKAU LALA, KOTALALA, SUKU LETEFOHO,SAME MANUFAHI

iha quarta, loron 19 fulan Novembro 2025, Nossa Senhora Asunsaun same, husi Sarani suku Rotuto Hit-an hikas – visita fali fatin helik ne’eb’e uluk iha tinan 1942 to 1945, sarani sira lori ba Subar iha Makau lala, Bairo kablaki,Aldeia Kotalala, Suku Letefoho, postu Administartivo Same, Municipio manufahi, ne’ebe sarani sira hanaran fatin ne’e naran “fatuk Maromak”.

Nossa Senhora Assunsaun same hit – an husi Sarani suku Grotu ba visita suku Rotuto durante loron 8 hahu husi loron 11 to 18 fulan Novembro 2025, ne’ebe ohin ( 19/11) hit-an fali ba fatuk maromak, Makau lala, bairo Kablaki, suku letefoho nian ne’ebe Simu ho tema “Lali-an tama Liu mai, Ami inan Assunsaun, iha ita hein-an fatin, fatuki lulik Kablaki, 1942 – 1945, nudar Mahein Paroquia same 1985 ba Nafatin”.

Nossa senhora Husi sarani Suku Rotuto hit-an visita fatin helik no subar ne’e, sarani Rotuto lori husi Kapela Nossa senhora de Fatima – Rotuto, tula iha kareta lori halo prosesaun reza, kanta, tebe-dai, sergala No ulik tutuir dalan hodi to mai fatin helik fatuk maromak, makau lala nian, to iha fatuk maromak sarani husi suku letefoho simu ho resepsaun kultural, puizia no hananu hodi simu Ita nia inan Nossa senhora Asunsaun same, akompanha to iha horik fatin – fatin helik Nossa senhora Asunsasaun Same nian iha tinan 84 ba kotuk ( 1942 – 1945 ) ne’ebe helik no Sarani iha Fatin durante Tinan 3 nia laran.

Nossa senhora hit-an husi Rotuto ba fatuk maromak tamba tuir estoria ne’ebe haktuir husi konselho paroquial same Joaquim tavares no xexi suku letefoho Joao da Silva nomos sarani sira husi Kablaki mateus da silva haktuir katak tinan 84 ba kotuk, tempo funu japaunezes maizamenus tinan 1941 e 1942 – 1945 , sarani sira lori nossa senhora mai subar iha fatin ne’e, durante tinan 3 nia laran, hafoin, lori fali ba Paroquia same, Maizamenus tinan 40 ba kotuk ( 1985 – 2025 ) hodi sai nudar padroerio ba sarani paroquia same ne’ebe harri husi suku 8 mak hanesan suku Letefoho,suku Rotuto, suku Holarua,suku Babulu,suku Betano,suku Daisua, Suku Grotu no Suku Tutuluru ne’ebe hodi harri igreja Nossa senhora Assunsan same ho Ai rin walu (8), tuir estorio hatete maske ohin loron Suku Betano sai Ona paroquia ida.

prezensa Nossa Senhora Assunsaun same iha fatuk Maromak Nudar valorizasaun ba fatin subar Nossa senhora Asunsaun same nian, nune’e iha fatin ne’e tuir orario sei halo Adorasaun kalan ida no animasaun fiar nian kalan ida hafoin mak Nossa senhora Asunsaun same hit-an fali ba Paroquia iha loron 21 fulan Novembro 2025.

========

Sentru Informasaun Suku Rotutu #AmorinoMendes #CheArinoLara82

youtube-app-icon-png-4

Blogger Suku Rotuto

facebook-icon-free-png

tiktok-icon-free-png