Iha Loron 19 Fulan setembro 2026, Ministerio Joventude Desportu Arte e Cultura ( MJDAC ), Diresaun Secretario de Estado Arte e Cultura ( SEAC ) reprezenta husi Diresaun Nasional Promosaun das Artes e Cultura ( DNPAC ) 𝐅𝐞𝐥𝐢𝐳 𝐗𝐢𝐦𝐞𝐧𝐞𝐬 hamutuk ho funsionario SEAC destakadu iha Municipio Manufahi 𝐀𝐦𝐨𝐫𝐢𝐧𝐨 𝐝𝐚 𝐂𝐨𝐬𝐭𝐚 𝐌𝐞𝐧𝐝𝐞𝐬 𝐒𝐚𝐫𝐦𝐞𝐧𝐭𝐨 Nomos Reprezentante husi Administrador postu adminitrativo Same ” 𝐇𝐞𝐩𝐨𝐥𝐢𝐭𝐨 𝐂𝐚𝐫𝐝𝐨𝐬𝐨 no Autoridade lokal suku Holarua – xefi Aldeia Falitehu 𝐁𝐞𝐧𝐭𝐨 𝐓𝐢𝐥𝐦𝐚𝐧 inagura uma lisan Mau ati, neebe lokaliza iha Aldeia Falitehu, Suku Holarua, postu adminitrativo Same, Municipio Manufahi.
Iha Inagurasaun nee, Komisaun organizadora ba inagurasaun uma MauAti, 𝐉𝐮𝐥𝐢𝐨 𝐞𝐱𝐬𝐩𝐨𝐬𝐭𝐮 hatete agradese tebes Tamba foin ba dahuluk ( premeira ) Marka estoria iha uma lisan Mau ati, nunee Orguilho tebes Tamba ho prezenza husi SEAC hatudu katak uma lisan Mau ati Nia naran rejista ona iha SEAC nian ba futuru.
𝐉𝐮𝐥𝐢𝐨 hatutan katak esforsu neebe hodi konvite nai Ulun Sira la fasil, la fasil Tamba estrada neebe assesu to Falitehu difikulta tebes maibe husi parte Arte e Cultura bele to iha Falitehu hodi inagura uma lisan mau ati nunee nudar Komisaun Julio agradese ba Autoridade no Liu Liu ba SEAC.
Liafuan hanesan hatutan husi xefi aldeia Falitehu 𝐁𝐞𝐧𝐭𝐨 𝐓𝐢𝐥𝐦𝐚𝐧 katak iha Aldeia Falitehu foin Mak uma lisan MauAti, mak hetan prefelezio, Tamba iha Inagurasaun partisipa husi governo no Liu Liu Arte e Cultura husi Municipio to Nasional nunee nudar xefi aldeia Nia agradese tebes.
Nunee mos Reprezentante husi Administrador postu administrativo ( APA ) Same neebe reprezenta husi 𝐇𝐞𝐩𝐨𝐥𝐢𝐭𝐨 𝐂𝐚𝐫𝐝𝐨𝐬𝐨 apresia tebes ba familia boot uma lisan mauati Tamba esforsu no unidade Mak ohin hari hikas uma MauAti no ohin bele inagura.
Reprezentante APA Same 𝐇𝐞𝐩𝐨𝐥𝐢𝐭𝐨 agradese ba Secretario de Estado Arte e Cultura ( SEAC ) Tamba bele fo apoio ba inagurasaun uma lisan MauAti, nunee mos 𝐇𝐞𝐩𝐨𝐥𝐢𝐭𝐨 husu ba jerasaun uma lisan MauAti atu kuda no hanetin nafatin pas no unidade iha uma lisan MauAti to Rai nee naben.
Iha Inagurasaun uma lisan MauAti Secretario de Estado Arte e Cultura ( SEAC ) neebe Reprezenta husi Diretur Diresaun Nasional Promosaun das Artes e Cultura ( DNPAC ) 𝐅𝐞𝐥𝐢𝐳 𝐗𝐢𝐦𝐞𝐧𝐞𝐬 lori SEAC Nia Naran fo parabens no agradese ba jerasaun husi Uma MauAti no Komisaun organizadora ba inagurasaun uma lisan MauAti neebe Mak servisu makas hodi realiza seremoni inagurasaun uma lisan MauAti, no agradese ba Komisaun neebe konvida ona SEAC hodi hola parte iha Inagurasaun nee.
Diretur DNPAC hatutan Uma lisan nudar elementu importante ba simbolo unidade ba knua Ida nee, nunee governo Liu husi SEAC nafatin servisu makas atu proteje, prezerva, promove elementu Cultura neebe iha, sai hanesan identidade Nasional, ho nunee fo hanoin ba inan aman Sira Kona ba matenek tradisional e Cultura nian neebe iha, atu transmite ba jerasaun Sira, ho nunee iha futuru inan aman Sira, laiha ona, jerasaun foun Sira bele nafatin kontinu no ba nati tuir.
Diretur 𝐅𝐞𝐥𝐢𝐳 hatutan Uma lisan mos nudar museum no biblioteka tradisional neebe kontribui ba Estado hodi konserva objetus kultural liman Rohan beiala Sira nian atu jerasaun Sira bele rekonhese nafatin identidade Liu husi liman Rohan beiala Sira nian neebe husik hela ba jerasaun Sira, Diretur nee akresenta tan Uma lisan kontribui makas ba iha luta lebertasaun da Patria, Tamba aswain Sira barak Mak uza biru hodi Salva Vida iha Tempo funu.
Nunee Diretur nee atu remata Nia liafuan Nia husu ba jerasaun Sira iha uma lisan MauAti bainhira simu bua ho malus no Matak malirin hodi Lao ba neebe deit maibe tengki nafatin haburas no hanetin paz no unidade.
https://www.facebook.com/share/p/1Bs8NtD78h https://www.facebook.com/permalink.php?story_fbid=pfbid02ibRNPUoH4sQv1uiyCPUcPa8BBX6stPmhDJ2MQ6ZZFa6JoZkUzaECW69K2wppaHgel&id=100064324022350
https://www.facebook.com/share/p/1FBqDsg3Hp/
No comments:
Post a Comment