Tersa feira, Loron 6 Fulan Outubro 2026, Programa Nasional Dezenvolmentu suku ( PNDS ) Halao Programa suku visita Malu iha suku Rotuto neebe involve suku tolu hanesan TahuBein, Taitudak no Uma Berloik husi Postu administrativo Alas, Municipio Manufahi visita Suku Rotuto neebe sai Uma nain neebe apoio husi Partisipa ho titlu aprende no fahe Diak Sira ba programa PNDS Nia sussesu iha Municipio Manufahi.
Iha programa Suku visita malu nudar Programa PNDS Municipio Manufahi hodi fasilita suku Sira hodi fahe esperensia entre suku Sira Kona ba atividade PNDS neebe Halao kada suku Sira neebe konsederado prekualifikado no tinan nee ( 2026 ) suku Rotuto nudar kwalifikadu husi atividade PNDS nian.
Nunee iha Programa suku Visita malu nee,xefi suku Rotuto, 𝐉𝐨𝐬𝐞 𝐝𝐨𝐬 𝐒𝐚𝐧𝐭𝐨𝐬 iha Nia Intervensaun Bemvindu nian, hatete programa nee Halao iha Suku Rotuto nudar prefeleziu Ida Tamba sai nudar pasu ida hodi hare hamutuk problema Sira neebe kumunidade infrenta tuir suku no aldeia iha Same no Manufahi Kona ba Diak neebe Ita hetan tuir suku no iha Fatin ba Fatin, no at saida Mak suku hasoru durante tempo existensia PNDS tuir topografia Rai kada suku.
Nunee xefi Suku Rotuto hatutan ho Programa Ida nee Ita bele aprende hamutuk ba suksesu neebe Ita hetan husi Programa PNDS neebe Lao iha Ita Ida Idak Nia suku ba suksesu Hira Mak Ita hetan no desafiu saida Mak Ita infrenta durante tinan 8 ou 9 Nia laran, nunee Ita bele apar ba malu no sai referensia ba Ita hotu hodi kompleta malu Tamba suku Ida deit labele Lao Mesak iha Municipio Manufahi, Wainhira suku Hotu hamutuk mak bele halo Manufahi sai forte Liu Tan.
Iha programa Suku visita malu nee, Diretur PNDS Municipio Manufahi 𝐀𝐭𝐚𝐧𝐚𝐬𝐢𝐨 𝐑𝐚𝐦𝐨𝐬 𝐆𝐮𝐬𝐦𝐚𝐨 hatete Programa PNDS ho objetivo atu bele konese malu entre suku Sira no oinsa suku Sira hanesan Taitudak, TahuBein no Uma Berloik bele fahe esperensia Kona ba Programa PNDS ba Suku Uma Nain.
Iha Fatin hanesan asesor Partisipa iha Manufahi 𝐂𝐫𝐢𝐬𝐭𝐢𝐚𝐧𝐨 𝐃𝐮𝐫𝐚 Nia Intervensaun hatete partisipa atu hametin elementu suku no planu municipal nudar inisitava Ida neebe hetan finasiamentu husi governo Australia hodi apoio ba governo Timor Leste.
Iha Biban nee Assesor partisipa agradese ba suku Rotuto nudar suku Uma Nain neebe simu Programa no Autoridade Sira ho resepsaun kultural neebe Diak tebes nudar esperensia kapas tebes ba programa PNDs nian, no atividade PNDS nee relasiona ho powder lokal KA desentralizasaun nian neebe atu Mai, neebe Persija Ita hotu kapasita Ita Nia an nunee asesor nee sujere atu aproveita didiak atividade hirak nee no bele partilha saida Mak Ita hotu sente sai nudar desafiu ka lagunas, ba malu, Tamba laiha Ema Ida Mak perfeitu no husi atividade nee bele aprende ba malu.
Nunee Asesor 𝐂𝐫𝐢𝐬𝐭𝐢𝐚𝐧𝐨 𝐃𝐮𝐫𝐚 hatutan ho atividade nee bele aprende ba malu hodi implementa iha Ida Ida Nia suku no husi Partisipa nee rasik iha programa tolu, Mak hare ba preparasaun implementasaun ba poder lokal, Dezenvolmentu Kumunitario nomos Inklusaun hodi promove igualidade jeneru no Inklusaun sosial.
Iha suku visita malu nee, Secretario Autoridade Municipal Municipio Manufahi Assuntu planeamentu investementu e Dezenvolmentu integradu ( PIDI ) 𝐅𝐢𝐥𝐨𝐦𝐞𝐧𝐚 𝐍𝐮𝐧𝐞𝐬 lori Autoridade Municipal Municipio Nia naran apresia no parabens ba Suku Rotuto Tamba sai nudar suku Uma Nain ba Programa Suku visita malu nee.
Nunee Secretario Autoridade Municipal Assuntu PIDI hatutan suku Rotuto sai Uma nain ba Programa Ida nee, Tamba fiar malu, rona malu, unidade, organiza Diak, ema hotu hotu hakarak servisu, implementa ba Programa PNDS nian ho kwalidade nunee Mak suku Rotuto sai suku Uma Nain ba Programa suku visita malu, ba suku Fatin tolu husi Alas Neebe Mak sai visitante nee laos hatudu Programa PNDS, neebe Lao iha suku tolu nee lao La Diak, lae, nomos Laos atu kompete ba malu maibe ho atividade nee, atu kompleta malu Diak Liu Tan, suku Uma nain bele fahe esperensia Neebe iha, ba suku visitante Sira no suku visitante Sira bele fahe mos esperensia Diak Sira neebe iha ba suku Uma Nain, Tamba nudar Ema la Moris deit ho Nia matenek rasik maibe Nia Moris ho konvivensia ho Ema seluk Mak bele Aprende .
Secretario PIDI, 𝐅𝐢𝐥𝐨𝐦𝐞𝐧𝐚 𝐍𝐮𝐧𝐞𝐬 akresenta iha prosesu implementasaun suku tolu neebe sai nudar suku visitante hasoru difikuldade, suku Uma Nain mos hasoru difikuldade hanesan maibe berani nafatin hodi aprende no ikus sai kualifikadu hodi suku seluk Mai aprende iha suku Rotuto, Secretaria Municipal nee sublina Tan Manufah nee Ita hotu nian, Ema hot hotu nian, nunee suku Ida Mesak sei la lori Manufahi ba oin maibe suku hotu hotu , Agora 30 no ba Tan oin oit oan, sai 32 sukus, ho Aldeia 149 Mak hamutuk hodi lori Manufahi ba oin.
Iha Biban nee Secretario Municipal Municipio Manufahi Assuntu PIDI 𝐅𝐢𝐥𝐨𝐦𝐞𝐧𝐚 𝐍𝐮𝐧𝐞𝐬 hato mensajen Prezidente Autoridade Municipal, Municipio Manufahi nian Kona ba El Nino ka bailoro Naruk.
nunee mensajen nee transmite Liu husi Secretaria PIDI ba povo Rotuto katak halo tos, Wainhira sunu tos ka sunu Rai, sunu ho kuidadu, atu labele ai Han Rai arbiru hodi estrada Ita Nia Natureza, nunee ho bailoro Naruk Ida nee husu ba povo prepara hela aihan Sira, konserva be matan Sira, kuidadu saude hodi hasoru ElNino, Secretaria PIDI nee hatutan Tan mesanjen husi Prezidente Autoridade Municipal Municipio Manufahi nian Kona ba preparasaun hodi simu poder lokal nunee husu ba Ema hotu hametin unidade, labele sobu malu, maibe kuidadu malu hodi junta Forsa hamutuk hodi simu poder lokal neebe sei Mai.
Ho Programa Suku visita malu nee nudar suku visitante, xefi suku Taitudak 𝐀𝐛𝐞𝐥 𝐁𝐨𝐠𝐚𝐳𝐞, agradese no urgulho ba Programa Ida nee, Liu Liu ba equipa PNDs Municipio Manufahi, Tamba tinan Ida nee bele halo Programa nee hodi lori Ami husi Postu Alas, Ami suku Taitudak, Suku TahuBein no suku Uma Berloik Mai visita suku Rotuto iha postu Same, Neebe nudar Uma Nain.
Xefi suku Taitudak sublina ho visita nee iha Nia Diak Mak hanesan equipa PNDS iha Suku Rotuto neebe servisu ho vuluntario, la hare ba Sira Nia insentivo maibe kontribuisaun extraordinariu tebes,Tamba bele halo komunikasaun no kordenasaun ho xefi Suku Rotuto ho membros Sira nomos, Sira , maske insentivo kiik maibe lor Loron Sira sempre iha tereinu no badae Sira maske iha esentivo kiik maibe Sira bele konsesu koletivo hodi koa fali Sira Nia Osan ba hodi sosa molen no molen nee tau ba patrimonio suku, nunee tuir xefi suku Taitudak katak nee sai lisaun no referensia hodi bele konsensializa no motiva Nia Ema Sira no implementa iha Sira Nia suku.
Iha Fatin hanesan Tezoreiro PNDS suku Taitudak 𝐑𝐨𝐳𝐚𝐥𝐢𝐚 𝐁𝐨𝐧𝐚 𝐏𝐚𝐫𝐭𝐞 katak ho Programa nee bele hetan esperensia lubuk husi suku Rotuto, buat balun Mak iha Sira Nia suku Sira la implementa bele hetan husi nee no hare ba kontribuisaun kumunidade maximu tebes no parte finansias nian iha dukumentu balu iha Sira Nia suku la arquivo Sira bele aprende lisaun foun husi Suku Rotuto no orgulho tebes bele hetan esperensia nunee bele implementa fali iha Sira Nia suku, nunee ho esperansa Sira bele haklaken fali iha Sira Nia suku atu nunee Sira Nia suku mos bele iha informasaun naton hodi kontribui ba implementasaun Programa PNDS nian iha suku Taitudak.
Nunee Tezoreiro nee husu buat neebe Lao Diak ona iha nee kontinua nafatin no ba suku Mak Sira lori esperensia husi nee atu konsensializa kumunidade Sira hodi ba nati tuir, oras nee dadauk iha Suku Taitudak Programa PNDS neebe Lao Mak hanesan konstrusaun kapela.
Partisipa iha Programa nee Kompusto husi Secretaria PIDI, Diretur Asesor PARTISIPA Manufahi no Nasional, Diretur PNDS Municipio Manufahi, Diretur obras publika Municipio Manufahi, SMASA, Reprezentante husi Administrador postu administrativo Same, equipa PNDS postu Same, xefi Suku Taitudak, TahuBein no Uma Berloik, equipa PNDs husi suku tolu nee, suku Rotuto ho Nia estrutura, equipa PNDS Suku Rotuto no kumunidade Suku Rotuto.
Posted in Blog
Leave a Reply