REZUMU ENCONTRO ENTRE XEFI SUKU ROTUTO JOSE DOS SANTOS HO KUMUNIDADE IHA SUKU ROTUTO KONA BA ATU INSTALA PRIPAGU IHA SUKU ROTUTO

 

Bazeia ba politika PEK ne’ebé implementa iha suku Rotuto husi EDTL –Ep iha loron 6 de Abril 2023 ne’ebé ofisialmente inagura husi Ministerio das Obras Publiku ho Prezidente EDTL -Ep iha 22 de Abril 2023, ne’ebé haktuir regras MOP katak utulijasaun energia Gratuita to deit fulan 6,hodi Núne’e mak iha loron 22 maio 2024 husi EDTL –ep Manufahi hato’o mai suku Rotuto atu kontribui resitas ba kofre estadu ho mos bele utulija energia tuir necisidade.

Hodi Nune’e mak iha loron 29 maio 2024 xefi suku Rotuto ho membros konselho suku Rotuto halao surumutu ho kumunidade hodi koalia assuntu refere ba instalasaun pripagu maibe iha encontro refere mosu sugestão no rekomendasaun sira husi Kumunidade suku Rotuto ba Diresaun EDTL – Ep Municipal no Nasional katak kumunidade benefisiariu sira konkorda ho instalasaun prepagu ne’e maibe laos iha tempo badak,Kumunidade benefisiariu sira husu Atu extende ba oin,oit - oan ho Razaun sira hanesan Tuir mai ne’e :

1. Povo Rotuto nia luta durante tempo naruk ida hodi kontribui ba libertasaun de patria,neebe marka historia iha rai Manufahi hanesan Rai Balu selu tiha funu,Levantamentu 20 agusto 1982 ne’ebé halo povo Rotuto moris iha nakukun no foin hetan naroman oan ne’e,nune’e sira husu fo roman oit lai ba sira hafoiun mak bele monta prepagu ne’e.

2. Komunidade suco rotuto seidauk hetan redementu ne’ebe sustentavel hodi sosa pulsa ahi nian.

3. Komunidade suco rotuto altura servisu instalasaun eletrisidade servisu ho gratuita no volontariu deit

4. Aldeia Foe-Hei bairo Bisakrem ho total uma kain sanulu resin lima (15) maka seidauk asesu ba roman eletrisidade.

5. Aldeia leo-Fat ne’ebe kulturalmente original naran suco rotuto mak Ore-Lau-Leo-Fat uma kain sia nulu resin rua (92) seidauk asesu roman eletrisidade.

6. Besi rin balu (besi rin hat) tidin hela ona hanesan diresaun hat-meat ba Natar laran maibe to agora seidauk istala ahi.

7. Uma kadunan Boe-Loko ho Uma Fusu-Mauloe to agora seidauk hatun ahi ba uma refere.

8. Iha aldeia Berteni uma Rua laiha besi rin no fiu tula deit iha ai leten no to iha uma hodi fatuk mak hanehan fiu iha uma leten.

9. Escolar EBC bisakrem kumpustu husi filial 7 maibe 5 ahi lakan ona maibe rua seluk sidauk lakan inklui escolar central ne’e rasik.

Hodi núne’e husu ba Prezidente EDTL municipio Manufahi no diresaun EDTL nasional atu prolonga lai extensaun instalasaun pripagu iha suku Rotuto,núne’e ba Koperasaun,kordenasaun no sabedoria husi Diresaun EDTL ep Nian,povo Rotuto la haluha hato’o obrigado wain.

===========

Sentru Informasaun Suku Rotutu 

Elabora hamutuk ho equipa apoio Administrasaun Suku Rotuto

Amorino Mendes #CheArinoLara82