Tuir estória ne'ebé haktuir katak iha tinan 1944 - 1945 atu Salva guarda integridade suku Rotuto Nia Dignidade husi hahalok liurai ukun nain Ida ne'ebé Hodi destrói moral humanu iha ukun suku Rotuto nian iha tempo neeba Mak ikus husi parte estadu kolonial husu atu ukun nain ka liurai ne'ebé Mak ukun iha tempo neeba atu responsabiliza hahalok imoral ne'ebé komete husi liurai refere Maibe liurai refere ho tauk hili dalan budu-an ( K ).
Núne'e Mak atu Tane ukun suku Rotuto nian Mak asuwain Sira no Lia nain Sira husi Uma fukun no uma lisan ne'ebé existe iha suku Rotuto Mak Simu fali kastigo ba iha município Ataúro hodi Troka fali liurai budu- an nee Nia Fatin.
Ema Sira nee, Ne'ebé simu kastigo husi estadu Tamba hahalok opurtunista husi familia liurai ne'ebé budu-an ( G ) nee rasik ne'ebé resulta ema Sira ba Simu kastigo iha Atauro ne'ebé ohin loron Hela deit Fatin hakoi iha Ataúro mak sai efidensia istoria Tane ukun Suku Rotuto nian iha tempo neeba.
Ema Sira Ne'ebé Mak hetan kastigo iha tinan Maizamenus 1944 – 1945, mak hanesan Manuel Berkoli husi Uma fukun Fusu Mauloe,Tat Koil ho Keibere husi uma lisan Kolitada,Cristobu ho Bermali husi uma lisan Hunloko, João Duankey husi uma kadunan Boeloko, Lumar Ama , liman sorin husi Uma kadunan Boeloko liman sorin husi Uma fukun Resmeia, Quei Manu husi uma fukun Kabita Ulu,Uma lisan Uma Lima, Koil mau husi Uma fukun Manfat ( manehat) no Seus Manu husi uma Fukun Resmeia no seluk tan.
Ema Sira Ne'ebé ba kastigo,ohin loron temi deit naran no atu lakon deit husi Rotuto Nia estória Tamba Fatin ne'ebé deskansa ikus ba Sira Mak iha ilha Atauro.
Foin dadauk Wainhira festival música e cultura iha ilha Atauro,morudores Sira husi Rotuto mos partisipa iha festival nee,Mak buka tuir, ne'ebé ikus hetan dunik katuas Sira Nia Fatin hakoi iha ilha Atauro,hodi visita sunu lilin no kare aifunan ba herói Rotuto Sira nee, ne'ebé Fatin hakoi nee sai historia hodi Konta tutan ba dulan foun Rotuto Nian iha futuru.
==========
Sentru Informasaun Suku Rotuto
Fontes : morudores husi suku Rotuto neebe partisipa iha eventu Festival music e cultura 21-24/11/2022
Hakerek : Amorino da Costa Mendes Sarmento
No comments:
Post a Comment